Brokart

Enquiries
Tel.: +31 (0)6 1272 4584

Letters

Even though I am dyslectic I am fortunate that current technology affords me the chance of expressing myself (somewhat sarcastically) about what I see and experience. Mostly written in Afrikaans the language of my heart I wish all who dare to click to this page lots of luck in deciphering the hieroglyphs of my mind!

Ek is

Ek is wie ek is, nie wie n ander wil hê nie
ek is wat ek is, so gemaak deur die lewe
ek is hoe ek is, onstaan deur my menswees
my siel is nie te koop nie, my hart vir almal oop
my menswees vol met foute, ek leef in hoop
my taal is hoe ek uitdruk dit wat diep in my sit
uit my siel geborge die kilheid in my hart verhit

Ek is vervolg – Met respek

Ek is wie ek is, my identiteit staan vas soos n rots
ek durf anders wees, op te staan en getel te word.
Vat my soos ek is of los my, ek weier om sielloos
onderdruk te word deur die tiranie van middelmatigheid.
Met respek weier ek om liefdevol afgepers te word
om saam te smelt, onopvallend, ongenadigelik,
ontoegeeflik, identiteitsloos, kusnloos, kansloos.
Vat aan my taal dan vat jy aan my hart, my siel,
my menswees, my diepste kern, my ek.
Ek is wie ek is, ek is Afrikaans!

Tuis

Waar in my grys geheue is die warm gevoel van tuis?
Wat maak dit so en hoekom is dit warm? Ek voel dit
die warm rooi sand van my land. Tussen my tone
krummelrig en los, klam van die voedende reen.
Ek smag na daai reuk, bekend en tog opwindend,
soos die eerste heerlike nat tongsoen. Lippe sag
soek na antwoord en verwagting in die ander.
Die gevoel van weet sonder te vra hoekom, dit is
net daar waar ek rus voel in my hart, tuis.

Kop leeg

My kop is leeg, alles uitgespuug en wat nog daar is
hou my was, dit jaag my op bang vir verloor
Die bene in my lyf is yskoud, stukke staal, hard
ongenadiglik bind dit weefsel wat wil pap lê
My hart verlang na bietjie warmte, klein kooltjie
vuur om die genadelose winter in my siel te weer.

Warm sop

Koue fyn reen, nat en mismoedig kruip dit
onder my hoed se rand, op my bril druppels
verdoesel my sig terwyl ek loop, vinniger
uit die reen, weg, droog wees, warm sop!

www wat?

Dis klaar, dis gedaan en die monument staan
maande se harde werk, eie lewe gekry op internet
uit my kop gebraakte webwerf lê dit nou still en wag
vir verlossing om gesien te word, www waar is jy?